我去飲涼茶

琴日,我同阿roy經過一間涼茶舖.

我問阿roy:"你飲唔飲涼茶?"

阿roy話:"好呀."

於是,我就上前睇下有乜涼茶飲.

我問老闆娘:"捱夜飲咩好?"

老闆娘話:"捱夜飲雞骨草."

阿roy問:"咁生飛滋飲咩好?"

老闆娘話:"生飛滋飲二十八味啦."

跟住我又問:"咁爆瘡呢?"

老闆娘就話:"爆瘡食龜苓膏."

阿roy話:"咦?咁樣又爆瘡,又生飛滋,又熱氣,又捱夜飲咩好呀?"

老闆娘答:"咁就飲二十八味同雞骨草啦."

阿roy話:"哇,咁我咪要飲兩碗?"

我話:"咁我要一碗二十八味."

老闆娘話:"二十八味好苦架喔."

我話:"呀?好苦架?" (唔比我飲???)

跟住,我指住碗夏枯草問:"咦,咁夏枯草有咩用呀?"

老闆娘話:"夏枯草明目囉."

我話:"明目?明目好哇…我要一碗啦!!!"

阿roy話:"咁我就要二十八味啦."

呢個老闆娘真係好人士O者.^^